"KMG EP-Catering" ЖШС бас директоры пара алды деп айыпталуда - новости Казахстана и Мира | YUNEWS.KZ
Рус Қаз

Тіркелу

Кіру

+7 771 194 0204 Наш whatsapp

"KMG EP-Catering" ЖШС бас директоры пара алды деп айыпталуда

444

Smiley face

Маңғыстау облысының сыбайлас жемқорлыққа қарсы қызметі "KMG EP-Catering" ЖШС-ның бас директоры (Маңғыстау облысының аумағында орналасқан «ҚазМұнайГаз «ҰК» АҚ еншілес ұйымдарын тамақтандыруды қамтамасыз етуді жүзеге асыратын «ҚазМұнайГаз «ҰК» АҚ-ның 100% еншілес ұйымы) мен аталған ЖШС-ның сатып алу бөлімінің бастығына қатысты сыбайлас жемқорлық қылмыс жасады деген күдік бойынша сотқа дейінгі тергеуді бастады.

Олар азық-түлік өнімдерін алу және жеткізу мәселесінде оң шешім танытқаны және алдағы жасайтын қамқорлығы үшін жеке кәсіпкерден 3 млн. теңге көлемінде пара алды деген күдікке ілініп отыр.

Күдіктілер мен олардың қорғаушыларының кінәсін мойындауына және келу туралы міндеттемесі жазылған өтініштерінің келіп түсуіне байланысты процессуалдық ұстау шарасы қолданылған жоқ.

Сотқа дейінгі тергеу жалғасып жатыр.

Күдіктілерге қатысты түпкілікті шешімді олардың кінәсінің деңгейін анықтау арқылы сот қабылдайтын болады.


Көзі: yunews.kz