Қазақстандық әуекомпаниялар Сауд Арабияға тұрақты рейстерді орындау үшін сертификаттаудан өтуде - новости Казахстана и Мира | YUNEWS.KZ
Рус Қаз

Тіркелу

Кіру

+7 771 194 0204 Наш whatsapp

Қазақстандық әуекомпаниялар Сауд Арабияға тұрақты рейстерді орындау үшін сертификаттаудан өтуде

444

Smiley face

Фото КГА МИИР РК

"Эйр Астана" әуекомпаниясы Алматы – Медина және Алматы – Жиддә бағыты бойынша аптасына 2 рейс жиілікпен тұрақты рейстерді орындауды жоспарлап отыр. Қазіргі уақытта компания аталған рейстерді орындауға рұқсат алу үшін құжаттарды тапсырды. Тиісті рұқсат алғаннан кейін әуекомпания осы рейстерді орындауды 2019 жылдың соңына дейін бастауға дайын.

Өз кезегінде, "SCAT" әуе компаниясы Алматы – Жиддә (сәрсенбі) және Алматы – Медина (сенбі) бағыттары бойынша ұшуларды орындауды 2019 жылдың желтоқсан айынан бастап Boeing-757 типті әуе кемесінде бастауды жоспарлап отыр. Қазіргі уақытта компания Сауд Арабия Корольдігінде сертификаттау рәсімінен өтіп жатыр.

Қазақстан Республикасы мен Сауд Арабия Корольдігінің авиациялық билік орындары арасындағы қолданыстағы келісімге сәйкес, екі тараптың тағайындалған әуекомпаниялары әр тараптан елдер арасында аптасына 4 жолаушы және 3 тұрақты жүк тасымалдау рейстерін орындауға құқылы.

Сауд Арабия тасымалдаушылары үшін рұқсат етілген қалалар – Нұр-сұлтан, Алматы, Шымкент және Қарағанды, ал қазақстандық тасымалдаушылар үшін Эр-Рияд, Жиддә, Медина және Даммам.

Қазақстандық "SCAT" әуекоманиясы 2016 жылдан бастап қажылық маусымы кезеңінде қазақстандық қажыларды тасымалдау бойынша Сауд Арабиясына тұрақты емес ұшуларды орындайды. Өз кезегінде арабтар тарапынан қазақстандық қажыларды тасымалдау рейстерін "Fly Nas" әуе компаниясы жүзеге асырады.


Көзі: Yunews.kz