Қазақстан ақбөкендер мен бекіре тұқымдас балықтардың заңсыз айналымы үшін жазаны қатаңдатып, абақты мерзімін едәуір ұзартты - новости Казахстана и Мира | YUNEWS.KZ
Рус Қаз

Тіркелу

Кіру

+7 771 194 0204 Наш whatsapp

Қазақстан ақбөкендер мен бекіре тұқымдас балықтардың заңсыз айналымы үшін жазаны қатаңдатып, абақты мерзімін едәуір ұзартты

444

Smiley face
Фото Platon.asia

ҚР Президенті жанындағы Орталық коммуникациялар қызметінің алаңында ҚР экология, геология  және табиғи ресурстар вице-министрі Ерлан НЫСАНБАЕВТЫҢ қатысуымен баспасөз-конференциясы өтті.

Қазақстанда ақбөкеннің дериваттары мен бекіре тұқымдас балықтарды заңсыз сатқан адамдар 12 жылға дейін бас бостандығынан айырылады. Бұрын бұл қылмысты жасағандар 5 жылға дейін жазаланатын. Бұл туралы Қазақстанның экология, геология және табиғи ресурстар вице-министрі Ерлан Нысанбаев мәлімдеді.

«Ақбөкен дериваттары мен бекіре тұқымдас балықтардың заңсыз айналымын қалыптастырған браконьерлер туралы  339-баптың негізгі ережесі түпкілікті өзгерді», - деді Е. Нысанбаев Орталық комуникациялар қызметінде өткен баспасөз конференциясында.

Егер браконьерлікті белгілі бір топ өздері немесе өзге топпен келісім бойынша іске асырса, бұл қылмыс ерекше қорғалатын табиғи аумақтарда жасалса және өзінің қызметтік жағдайын пайдаланып табиғатқа ірі көлемде зиян келтірсе, жауапкершілік күшейетін жаңа талаптар белгіленді.

«Жоғарыда айтқанымдай, санкциялар күшейтілді. Айыппұлдарды өсіріп, абақтыға қамау мерзімін ұлғайту көзделіп отыр. Бұрын ең ұзақ мерзім 5 жыл еді, қазір бұл мерзім 12 жылға дейін ұлғайтылды », - деді вице-министр.


Көзі: Yunews.kz