Денсаулық кілті – өзіміздің қолымызда! - новости Казахстана и Мира | YUNEWS.KZ
Рус Қаз

Тіркелу

Кіру

+7 771 194 0204 Наш whatsapp

Денсаулық кілті – өзіміздің қолымызда!

15 Мамыр 2019, 11:27

Smiley face

2019 жылғы 17 мамырда сағ. 15.00-ден 17.00-ге дейін ҚР ДСМ Қоғамдық денсаулық сақтау ұлттық орталығы Нұр-Сұлтан қаласының әкімдігі және ҚР Денсаулық сақтау министрлігінің қолдауымен Дүниежүзілік денсаулық сақтау ассамблеясы 72-сессиясының қарсаңында Қабанбай батыр даңғылы, Түркістан көшесі, №24 және 26 көшелері периметрі бойынша орналасқан астананың Ботаникалық бағында «Сөзден іске/WalktheTalk» дәстүрлі акциясын өткізеді.
Дүниежүзілік денсаулық сақтау ұйымының штаб-пәтері ұйымдастырған осындай жаһандық акция биылғы жылғы 19 мамырда Женева қаласында (Швейцария) өтеді.
Іс-шараның мақсаты: денсаулық құндылықтарын тарату, елімізде қоғамдық денсаулықты сақтау үшін барлық мүдделі тараптардың күштерін біріктіру, денсаулықты нығайту мақсатында «Денсаулық – барлық адамдарға/ Health for all» аясында Ғаламдық қозғалысты қолдау, өмір бойы физикалық белсенділіктің деңгейін сақтау.
Акцияға ҚР Денсаулық сақтау министрі Елжан Біртанов, Нұр-Сұлтан қаласының әкімі Бақыт Сұлтанов, сондай-ақ еліміздің ең алғашқы Денсаулық елшілері: «Қарақат» эксклюзивті музыкалық мектеп-студиясының жетекшісі, Қазақстанның еңбек сіңірген қайраткері Қарақат Әбілдина, Гиннес рекордтар кітабына рекорды 7 рет енген, әлемдегі ең үлкен шөлдерді жүгіріп өткен жалғыз адам Марат Жыланбаев қатысады.
Бағдарламада: 3 және 5 км қашықтықта жүгіру, сондай-ақ, скандинавтық жүгіру.
Биыл 13 және17 мамыр аралығында Еуропалық денсаулық сақтау апталығы атап өтілетінін айта кету керек. 25-тен астам елде халықтың денсаулығы туралы хабардар болуын арттыру үшін 70-ке жуық іс-шара өткізіледі. Әрбір күн әр түрлі тақырыптарға арналған, олар:
– дене белсенділігін арттыру,
– салауатты қоршаған орта,
– дұрыс тамақтану,
– жастардың психикалық денсаулығы және т.б.
Қазақстанда алғашқы акция 2030 жылға дейін Астана декларациясы қабылданған МСАК бойынша Жаһандық конференция аясында Астана қаласының әкімі Бақыт Сұлтановтың, ДДСҰ-ның Бас директоры Тедрос Гебрейесустың, ЮНИСЕФ-тің Еуропа және Орталық Азия елдері бойынша өңірлік директоры Афшан Ханның, ҚР Денсаулық сақтау министрі Елжан Біртановтың қатысуымен 2018 жылғы 24 қазанда өткен болатын.


Көзі: yunews.kz