АРЫС ҚАЛАСЫНДАҒЫ 6,8 МЫҢ ҮЙДЕ НЕГІЗГІ ҚАЛПЫНА КЕЛТІРУ ЖҰМЫСТАРЫ АЯҚТАЛДЫ - новости Казахстана и Мира | YUNEWS.KZ
Рус Қаз

Тіркелу

Кіру

+7 771 194 0204 Наш whatsapp

АРЫС ҚАЛАСЫНДАҒЫ 6,8 МЫҢ ҮЙДЕ НЕГІЗГІ ҚАЛПЫНА КЕЛТІРУ ЖҰМЫСТАРЫ АЯҚТАЛДЫ

444

Smiley face
Фото: МИИР РК

8 тамыздағы жағдай бойынша Арыс қаласындағы 6,8 мың тұрғын үйде негізгі қалпына келтіру жұмыстары аяқталды. 2,1 мың тұрғын үйде шағын жөндеу жұмыстары жалғасуда,-деп хабарлайды ҚР Индустрия және инфрақұрылымдық даму министрлігінің баспасөз қызметі.

7 мыңнан астам маман қаланың қираған тұрғын үй қорын құруда. Секторлардағы барлық құрылыс жұмыстары кезең-кезеңімен жүргізілуде және тұрақты бақылауда тұр.

"Біз қала тұрғындарын жұмыс жүргізу мәселесі бойынша алаңдамауды сұраймыз. Бірде-бір лауазымды адам жұмысты аяқтамай, қаладан кетпейді. Әрбір үй қатаң бақылауға алынып, Арыс қаласында бірде-бір отбасы назардан тыс қалмайтынын атап өткім келеді", - деді Өскенбаев.

Сонымен қатар, 77 үйде үй иелерінің келіспеуі немесе меншік иелерінің орнында болмауы себебінен жұмыстар әлі басталған жоқ. Халықпен арадағы барлық даулы мәселелерді 17 сектордағы өңірлер мен республикалық маңызы бар қалалардың әкімдіктерінің өкілдері пысықтауда.


Көзі: yunews.kz