ЕҚЫҰ Қазақстанмен жасасқан ынтымақтастыққа үлкен мән береді - новости Казахстана и Мира | YUNEWS.KZ
Рус Қаз

Тіркелу

Кіру

+7 771 194 0204 Наш whatsapp

ЕҚЫҰ Қазақстанмен жасасқан ынтымақтастыққа үлкен мән береді

444

Smiley faceПарламент Сенатының баспасөз қызметінің фотосы

Парламент Сенатының Төрағасы Дариға Назарбаева Аз ұлттар істері жөніндегі ЕҚЫҰ Жоғары комиссары Ламберто Заньерді қабылдады, деп хабарлайды Парламент Сенатының баспасөз қызметі.

Тараптар осы саладағы Қазақстан мен ЕҚЫҰ ынтымақтастығы мәселелері бойынша пікір алмасты.

Одан әрі ынтымақтастық жасасудың келешек бағыттары – «Көп ұлтты қоғамдағы полицейлік қызметі» жобасы, цифрлық БАҚ, қоғамды ақпараттандыру ахуалындағы мәдени өзгеріс.

Д.Назарбаева Қазақстан әртүрлі этностардың тілінде оқытылатын мектептерде ана тілін және мемлекеттік тілді меңгеру деңгейін арттыруға ықпал ететін Орталық Азиядағы білім беру бағдарламасын жоғары бағалайтынын атап өтті.

Smiley face
Фото пресс-служба Сената Парламента

«Мемлекеттік тілді меңгеру деңгейі жыл сайын артып келеді. Біз практикалық ынтымақтастықты одан әрі жалғастыруға мүдделіміз», - деді Сенат Төрағасы.

Жоғары палата басшысы үш тілді саясатты ескере отырып, Тілдерді дамытудың мемлекеттік бағдарламасы аясында ұлттық және жексенбілік мектептердің қызметіне қолдау жүргізіліп отырғанын айтты. Сондай-ақ, Д.Назарбаеваның пікірінше заманауи геосаяси жағдайда көп тіл білу – жаңа мүмкіндіктер мен бәсекеге қабілетті бола алу басымдылығын береді.

Парламентаралық ынтымақтастықты сөз ете отырып, Сенат басшысы ЕҚЫҰ Парламентаралық Ассамблеясы аясында Сенат жұмысын күшейту қажеттігін атап өтті.

Л.Заньер ЕҚЫҰ Қазақстанмен жасасқан ынтымақтастыққа үлкен мән беретінін және Ұйымның әрбір мүшесі оның қозғаушы күшіне айналуы керек екенін атап өтті.

Smiley face
Фото пресс-служба Сената Парламента


Көзі: yunews.kz