Шымкентте 7 сотталғанға қолданылған жазаның күші жойылды - новости Казахстана и Мира | YUNEWS.KZ
Рус Қаз

Тіркелу

Кіру

+7 771 194 0204 Наш whatsapp

Шымкентте 7 сотталғанға қолданылған жазаның күші жойылды

444

Smiley face
Фото: knyazhpogost.ru

Прокуратура жүргізген талдаудың нәтжесі Шымкент қаласындағы түзету мекемелерінің әкімшілігі 7 сотталғанға заңсыз жаза қолданғанын анықтады.

Талдау барысында жазаны өтеудің белгiленген тәртiбiн бұзғаны үшiн ИЧ-167/2 мекемесінде – 2 сотталғанға,  ИЧ-167/4 мекемесінде - 1 сотталғанға, ИЧ-167/10 мекемесінде - 1 сотталғанға, ИЧ-167/11 мекемесінде – 3 сотталғанға қолданылған жазалау шаралары негізсіз қабылдануына байланысты прокурорлық қадағалау актілері негізінде күштерін жойған.

Сонымен қатар ИЧ-167/2 мекемесінің әкімшілігі 2 сотталған азаматқа негізсіз көтермелеу шарасы ретінде «Алғыс» жариялаған.

Қала прокуратурасының прокурорлық қадағалау актілерінің негізінде мекеме әкімшілігінің аталған шешімдерінің де күштері жойылған.

Заңдылықты бұзушылықты жою туралы қылмыстық-атқару жүйесі департаментіне ұсыну енгізілген.

Қала прокуратурасының үкімдердің орындалу заңдылығын қадағалау басқармасы қылмыстық-атқару жүйесі департаментіне қарасты мекемелерінде қылмыстық жазаларын өтеп жатқан сотталғандарға қолданылған жазалау және көтермелеу шараларының заңдылығын үнемі  зерделеп отырады.


Көзі: yunews.kz